Author Archive: narine
10.03.2021 — <Հայաստան ասելիս...> ցուցահանդեսի բացումը Ֆիզմաթ դպրոցում …
10.03.2021թ. Ֆիզմաթ դպրուցում տեղի ունեցավ <Հայաստան ասելիս…> վերնագրով ցուցահանդեսի բացումը: Ցուցահանդեսը նվիրված էր <Ճանաչել Հայաստանը> թեմային, որտեղ հեղինակը՝ Ֆիզմաթ դպրոցի ֆիզիկայի ուսուչուհի Աստղիկ Ղազարյանը, փորձել էր իր լուսանկարների միջոցով ներկայացնել Հայաստանի հրաշալի բնությունը և գեղատեսիլ վայրերը:
02.10.2019 — Աստղագիտության միջազգային օլիմպիադայի թիմի այցը ՀՀ Գիտության Ազգային Ակադեմիա…
Ս.թ. հոկտեմբերի 2-ին ՀՀ Գիտությունների ազգային ակադեմիայում հյուրընկալվեցին «Աստղագիտության և աստղաֆիզիկայի» դպրոցականների միջազգային 13-րդ օլիմպիադային (Հունգարիայի` Կեսթհեյ) մասնակցած Հայաստանի թիմը, թիմի ղեկավարներ Բյուրականի աստղադիտարանի գիտաշխատող Մարիետտա Գյուլզադյանը և Վարդգես Մամբրեյանը, ինչպես նաև Ա. Շահինյանի անվան ֆիզիկամաթեմատիկական հատուկ դպրոցի տնօրեն Հայկազ Նավասարդյանը:
ՀՀ Գիտությունների ազգային ակադեմիայի նախագահ Ռադիկ Մարտիրոսյանը և ՀՀ ԳԱԱ Վ. Համբարձումյանի անվ. Բյուրականի աստղադիտարանի տնօրեն Արեգ Միքայելյանը ողջունեցին աշակերտներին իրենց ձեռքբերումների և Հայաստանը միջազգային հարթակում լավ ներկայացնելու համար: Նրանց ոգևորելու և գիտելիքներն ամրապնդելու համար թիմի մասնակիցներին նվիրեցին մասնագիտական գրքեր:
Նշենք, որ օլիմպիադային ներկայացել էր Ա. Շահինյանի անվան ֆիզմաթ հատուկ դպրոցի 5 դպրոցականներից կազմված թիմը: Արդյունքում մեր դպրոցականները նվաճել էին 2 արծաթե և 3 բրոնզե մեդալ: Արծաթե մեդալ էին նվաճել Դավիթ Զոհրաբյանը (12-րդ դասարան), Կարեն Բաղդասարյանը (11-րդ դասարան): Բրոնզե մեդալի էին արժանացել Եվա Հունանյանը (11-րդ դասարան), Դավիթ Կիրակոսյանը (11-րդ դասարան), Քրիստինե Գրիգորյանը (12-րդ դասարան): Օլիմպիադայի ընթացքում անցկացվել էր նաև 6-հոգանոց բազմազգ թիմերի մրցույթ, որի ժամանակ մեր աշակերտները հանդես էին եկել տարբեր թիմերի կազմում: Թիմը, որում հանդես էր եկել Քրիստինե Գրիգորյանը, գրավել էր առաջին հորիզոնականը՝ արժանանալով ոսկե մեդալի, իսկ Դավիթ Զոհրաբյանի թիմը գրավել էր երկրորդ տեղը՝ նվաճելով արծաթե մեդալ:
20.09.2019 — ՀՀ Անկախության Տոնին նվիրված միջոցառման հյուրն էր Արամ Մանուկյանը…
20.09.2019թ. Ֆիզմաթ դպրոցի հանդիսությունների դահլիճում տեղի ունեցավ ՀՀ Անկախության Տոնին նվիրված միջոցառում: Միջոցառման հյուրն էր Հայ քաղաքական գործիչ Արամ Մանուկյանը, ով 1990 թ․ ՀՀ ԳԽ-ում անձամբ կարդացել և հնչեցրել է ՀՀ անկախության հռչակագիրը՝ խորհրդանշելով Հայաստանի առաջին հանրապետության պետական գործիչ Արամ Մանուկյանի և անկախության վերածնունդը։
23.06.2019 — Ամենախելացին նախագծի ՈսկեԼիգայի հաղթողը Ֆիզմաթ դպրոցի 11-րդ դասարանի աշակերտուհի Աննա Թովմասյանն է:
2019թ. Ամենախելացին նախագծի մասնակից Ֆիզմաթ դպրոցի հինգ աշակերտներից երեքը ունեցան հաջողություններ…
Ամենախելացին նախագծի ՈսկեԼիգայի հաղթողը Աննա Թովմասյանն է:
Ստարտափ Արմենիա հիմնադրամը Աննային կտրամադրի 1.000.000 ՀՀ դրամ,
Ucom ընկերությունը Աննային հնարավորություն կտա մեկնելու Զագրեբ՝ Նիկոլա Տեսլա ընկերության լաբորատորիա:
Ստարտափ Արմենիա հիմնադրամի կողմից Աննան նաև բացառիկ հնարավորություն ունի 1 տարվա ընթացքում մասնակցելու ԲՈԼՈՐ SeasideStartupSummit միջոցռումներին:
Ինչպես նաև հենց Աննային է բաժին հասնում հատուկ ՈսկեԼիգայի համար պատրաստված կրծքանշանը և հաղթողի պատվոգիրը:
ՈսկեԼիգայի եզրափակիչ խաղի արդյունքներով ՎԻԼՅԱՄ ՍԱՐՈՅԱՆ անվանակարգի հաղթողը Արարատ Սահակյանն է: Շատ շուտով ՎԵՐԱԾՆՈՒՆԴ ինտելեկտուալ և մշակութային հիմնադրամի շնորհիվ Արարատը կմեկնի ԱՄՆ՝ Վիլյամ Սարոյանի տուն-թանգարան, ինչպես նաև Կալիֆոռնիայի համալսարան և մի շարք այլ կրթական ու մշակութային կենտրոններ:
ՈսկեԼիգայի եզրափակիչ խաղի արդյունքներով ՖԻԶԻԿԱ անվանակարգի հաղթողը Կարեն Մնացականյանն է (Ֆիզմաթի շրջանավարտ): Ռուսատոմ Սերվիսի կողմից Կարենը ստացավ նորագույն սերնդի նոութբուք: Բացի այդ, Կարենն առաջիկայում կմեկնի Ռուսաստանի Դաշնություն՝ ընկերության գլխամաս, ինչպես նաև կրթական և մշակութային մի շարք կենտրոններ:
Շնորհավորում ենք մեր մասնակիցներին և մրցանակակիրներին:
10.04.2019 — <Ոտքի՛, դատարանն է գալիս> բեմականացված միջոցառում՝ 9բ դասարանի մասնակցությամբ
10.04.2019թ-ին Ֆիզմաթ դպրոցի հանդիսությունների դահլիճում տեղի ունեցավ Պերճ Զեյթունցյանի <Ոտքի՛, դատարանն է գալիս> պիեսի բեմականացված միջոցառում՝ 9բ դասարանի (դաստիարակ՝ Մարինե Գասպարյան) մասնակցությամբ:
Միջոցառման հյուրերն էին մեծ արձակագրի այրին և դուստրը, հայ դատի հերոսներ Հակոբ Ջուլֆայանը և Վազգեն Սիսլյանը, Եղիշե Չարենցի անվան արվեստի և գրականության ինստիտուտի տնօրեն Կարո Վարդանյանը: