08-13.01.2024-1 ոսկի, 4 արծաթ, 6 բրոնզե մեդալներով Ֆիզմաթցիները վերադարձան Ժաուտիկովյան միջազգային հոբելյանական 20-րդ օլիմպիադայից․․

2024թ. հունվարի 8-ից 13-ը Ղազախստանի Ալմաթի քաղաքում տեղի ունեցավ Ժաուտիկովյան միջազգային հոբելյանական 20-րդ օլիմպիադան:

Օլիմպիադան կազմակերպվում է մաթեմատիկա, ֆիզիկա և ինֆորմատիկա առարկաներից:

Ֆիզմաթ դպրոցի 15 աշակերտներից 11-ը արժանացան մեդալների, որից 1 ոսկի, 4 արծաթ և 6 բրոնզ:

Ոսկե մեդալի է արժանացել Ֆիզմաթ դպրոցի 9-րդ դասարանի աշակերտ Սարգիս Առաքելյանը:
Սարգիս Առաքելյանը որպես ամենակրտսեր մասնակից արժանացել է նաև հատուկ մրցանակի:
Շնորհավորում ենք բոլոր մեդալակիրներին, Ֆիզմաթ դպրոցին, ուսուցիչներին և խմբակներում նրանց հետ պարապող մասնագետներին:

Ֆիզմաթ դպրոցի աշակերտների արդյունքները

1. Առաքելյան Սարգիս — 9բ — մաթեմատիկա — ոսկի

2. Ղազարյան Ալեն — 11բ — մաթեմատիկա — արծաթ
3. Աղայան Արսեն — 12դ — ֆիզիկա — արծաթ
4. Հասրաթյան Արեն — 12ա — մաթեմատիկա — արծաթ
5. Գալստյան Միքայել — 11ա — մաթեմատիկա — արծաթ

6. Միրաքյան Կամո — 12գ — մաթեմատիկա — բրոնզ
7. Խաչատրյան Մարտին — 11գ — ինֆորմատիկա — բրոնզ
8. Գալստյան Նարեկ — 11բ — ֆիզիկա — բրոնզ
9. Եգորյան Ծովակ — 11ա — ինֆորմատիկա — բրոնզ
10. Աբրահամյան Վահան — 10ա — ինֆորմատիկա — բրոնզ
12. Քալաշյան Մհեր — 11բ — ինֆորմատիկա — բրոնզ

13. Եգորյան Սևակ — 10ա — ինֆորմատիկա — առանց մրցանակ
14. Ասատրյան Արման — 10ա — մաթեմատիկա — առանց մրցանակ
11. Պողոսյան Սմբատ — 11դ — ֆիզիկա — առանց մրցանակ
15. Մելքոնյան Վահե — 11դ — ֆիզիկա — առանց մրցանակ

22․07․2022 — Ինֆորմատիկայի Եվրոպայի աղջիկների 3-րդ օլիմպիադայից Ֆիզմաթցիները վերադարձան 3 մեդալով․․

Հուլիսի 15-21-ը Շվեդիայի Լունդ քաղաքում կայացել է ինֆորմատիկայի Եվրոպայի աղջիկների 3-րդ օլիմպիադան, որին մասնակցել է 52 երկրի 189 դպրոցական: Օլիմպիադան անցկացվել է երկու փուլով։

Հայաստանի թիմը ներկայացել է 4 մասնակցով, որոնցից երեքը ներկայացնում էին Ա․ Շահինյանի անվան ֆիզմաթ հատուկ դպրոցը, իսկ մեկը՝ Շիրակացու անվան ճեմարանը: Ֆիզմաթ հատուկ դպրոցի 12-րդ դասարանի աշակերտ Ֆիլյա Գեիկյանն արժանացել է արծաթե, իսկ նույն դպրոցի սաներ Մերի Բադալյանը (12-րդ դասարան), Արփի Պրազյանը (10-րդ դասարան) և Շիրակացու անվան ճեմարանի աշակերտ Սյուզաննա Գրիգորյանը (12-րդ դասարան)՝ բրոնզե մեդալների։

Հայաստանի թիմը ղեկավարել են Արմեն Անդրեասյանը (ԵՊՀ դասախոս) և Սամվել Անդրեասյանը (ԵՊՀ ուսանող)։

25.09.22 — Եվրոպայի ինֆորմատիկայի պատանեկան օլիմպիադայում EJOI, Ֆիզմաթի աշակերտները նվաճեցին 2 արծաթե և 2 բրոնզե մեդալներ..

Հայաստանի դպրոցականները գրանցել են աննախադեպ հաջողւթյուն Եվրոպայի ինֆորմատիկայի պատանեկան (մինչև 15 տարեկանների) օլիմպիադայում EJOI, որն անցակցվեց այս շաբաթ առնցանց եղանակով, նվաճելով 1 ոսկե, 3 արծաթե և 3 բրոնզե մեդալներ։
Ֆիզմաթ դպրոցի աշակերտները նվաճեցին 2 արծաթե և 2 բրոնզե մեդալներ.
Արծաթե մեդալներ՝
Ալեն Ղազարյան — 10-րդ դասարան,
Մարտին Խաչատրյան — 10-րդ դասարան,
Բրոնզե մեդալներ՝
Ծովակ Եգորյան — 10-րդ դասարան,
Սերգեյ Համբարձումյան — 10-րդ դասարան:

22-28.03.2021 — Երկու ոսկե և մեկ արծաթե մեդալ՝ Վորոնեժում կայացած «Ռոբոարտ-2021» մրցույթ-փառատոնից

2021թ մարտի 22-ից 28-ը ՌԴ Վորոնեժ քաղաքում տեղիունեցավ ռոբոտների միջազգային առցանց մրցույթ-փառատոն, որին մասնակցեց մեր դպրոցի Ֆիզմաթ-Արմենիա թիմը (Նարեկ Սարգսյան և Գևորգ Սարգսյան ), երեք անվանակարգերում՝ խելացի տուն, 3D մեխանիկա, և կիբեռնետիկական արվեստ, շահելով երկու Ոսկե և մեկ Արծաթե մեդալներ:
 
2020 թ ի նոյեմբերի 8-ին կայացավ Ռոբոտների համաշխարհային օլիմպիադաի ազգային փուլը, որին մասնակցեց մեր դպրոցի ռոբոտաշինության խմբակի թիմը ավագ տարիքային խմբում և ճանաչվեց Ազգային փուլի հաղթող՝ արժանանալով Ոսկե մեդալի, ինչպես նաև պարգևատրվեց նորարարական և ստեղծագործական մտքի համար պատվոգրով ու նվերներով։