Ապրիլի 14-ին Ֆիզմաթ դպրոցի հանդիսությունների դահլիճում 12բ դասարանը (դաստիարակ՝ Մարինե Գասպարյան) ներկայացրեց  գրական միջոցառում՝  նվիրված  Հայ անվանի բանաստեղծուհի Սիլվա Կապուտիկյանի  պոեզիային։ Խորը ներշնչանքով ու ջերմությամբ հնչեցին նրա բանաստեղծական տողերը, անկարելի էր կարդալ առանց հուզմունքի, քանզի դրանցում արտացոլված էր հայ ժողովրդի ոգին ու աշխարհայացքը:

10․01․2022թ․  Ֆիզմաթ դպրոցը տոնում է նախկին տնօրեն Հայկազն Նավասարդյանի 65-րդ հոբելյանական տարեդարձը։ Ֆիզմաթ դպրոցը տասնինը տարի ղեկավարած, ՀՀ վաստակավոր մանկավարժ Հայկազն Նավասարդյանի 65-րդ հոբելյանական տարեդարձին ներկա էին աշակերտներ, ուսուցիչներ, շրջանավարտներ և բազմաթիվ հյուրեր։ Իրենց ջերմագին շնորհավորանքներն էին հղում արտերկրներում կրթությունը շարունակած բազմաթիվ դպրոցի շրջանավարտներ  և հղում իրենց շնորհակալական խոսքերը դպրոցին և մաղթում սիրելի տնօրենին՝  քաջ առողջություն, նորանոր նպատակներ ու նորանոր հաջողություններ հետագա գործունեության մեջ։։

20.12.2021թ-ի ՀԿԳՄՍՆ հրամանագրով Ֆիզմաթ դպրոցի տնօրեն նշանակվեց Արման Սարգսյանը։

ՀԿԳՄՍՆ հանրակրթության վարչության պետ Արսեն Բաղդասարյանը Շնորհակալագիր հանձնեց արդեն իսկ դպրոցի նախկին տնօրեն Հայկազն Նավասարդյանին՝ կրթության ոլորտում ներդրած մեծ ավանդի և բազմամյա գործունեության համար, հաջողություններ մաղթեց հետագա գործունեության մեջ։

Ա․Բաղդասարյանը ներկայացրեց և շնորհավորեց նորանշանակ տնօրեն Արման Սարգսյանին՝ մաղթելով հաջողություններ հետագա աշխատանքներում, վստահություն հայտնելով, որ Ֆիզմաթ դպրոցը այսուհետ ևս պահպանելով հին ավանդույթները կշարունակի նորանոր հաջողություններ գրանցել դպրոցի պատմության մեջ։

Այսօր ժամը 13:00-ին Ա.Շահինյանի անվան ֆիզմաթ դպրոցի բակում տեղի ունեցավ հանուն հայրենիքի նահատակված Ֆիզմաթ և Ուսում դպրոցների սաների հիշատակի հուշարձան-խաչքարի բացման արարողությունը, որին ներկա էին հերոսների հարազատները, դպրոցների ուսուցիչներն ու աշակերտները:

Հուշարձան-խաչքարի բացումը իրականացրեցին Ֆիզմաթ դպրոցի տնօրեն Հայկազ Նավասարդյանը և գնդապետ Հովհաննես Ավագյանի այրին։ Տեղի ունեցավ հուշաքարի օծման արարողություն մեր հերոսների հարազատների հետ։

06.05.2021թ․ Ֆիզմաթ դպրոցի Հրաձգարանի բացման արարողությունը կատարեցին Ֆիզմաթ դպրոցի տնօրեն Հայկազն Նավասարդյանը և Հայաստանի Հրաձգության Ֆեդերացիայի նախագահ Արթուր Հովհաննիսյանը։  Ներկա էին աշակերտներ, ուսուցիչներ և շատ հյուրեր`

1. Հայաստանի Հրաձգության Ֆեդերացիայի նախագահ Արթուր Հովհաննիսյան,
2. Հայաստանի Հրաձգության Ֆեդերացիայի գլխավոր քարտուղար Արեգ Սարիբեկյան,
3. Հրաձգության հանրապետական մարզադպրոցի տնօրեն Արմեն Հայրապետյան,
4. ՀՀ ՊՆ զորակոչային և զորահավաքային համալրման ծառայության զորակոչի վարչության պետ, գնդապետ Արեն Սարգսյան,
5. Գնդապետ Արմեն Հայրապետյան։

Դպրոցի պուրակում ֆիզմաթցիները  տնկեցին եղևնի  և տեղադրվեց հուշաքար՝ նվիրված Հայրենիքի համար զոհված ֆիզմաթցիների հիշատակին։

10.03.2021թ. Ֆիզմաթ դպրուցում տեղի ունեցավ <Հայաստան ասելիս…> վերնագրով ցուցահանդեսի բացումը: Ցուցահանդեսը նվիրված էր <Ճանաչել Հայաստանը> թեմային, որտեղ հեղինակը՝ Ֆիզմաթ դպրոցի ֆիզիկայի ուսուչուհի Աստղիկ Ղազարյանը, փորձել էր իր լուսանկարների միջոցով  ներկայացնել Հայաստանի հրաշալի բնությունը և գեղատեսիլ վայրերը:

Ս.թ. հոկտեմբերի 2-ին ՀՀ Գիտությունների ազգային ակադեմիայում հյուրընկալվեցին «Աստղագիտության և աստղաֆիզիկայի» դպրոցականների միջազգային 13-րդ օլիմպիադային (Հունգարիայի` Կեսթհեյ) մասնակցած Հայաստանի թիմը, թիմի ղեկավարներ Բյուրականի աստղադիտարանի գիտաշխատող Մարիետտա Գյուլզադյանը  և Վարդգես Մամբրեյանը, ինչպես նաև Ա. Շահինյանի անվան ֆիզիկամաթեմատիկական հատուկ դպրոցի տնօրեն Հայկազ Նավասարդյանը:
ՀՀ Գիտությունների ազգային ակադեմիայի նախագահ Ռադիկ Մարտիրոսյանը և ՀՀ ԳԱԱ Վ. Համբարձումյանի անվ. Բյուրականի աստղադիտարանի տնօրեն Արեգ Միքայելյանը ողջունեցին աշակերտներին իրենց ձեռքբերումների և Հայաստանը միջազգային հարթակում լավ ներկայացնելու համար: Նրանց ոգևորելու և գիտելիքներն ամրապնդելու համար թիմի մասնակիցներին նվիրեցին մասնագիտական գրքեր:

Նշենք, որ օլիմպիադային ներկայացել էր Ա. Շահինյանի անվան ֆիզմաթ հատուկ դպրոցի 5 դպրոցականներից կազմված թիմը: Արդյունքում մեր դպրոցականները նվաճել էին 2 արծաթե և 3 բրոնզե մեդալ: Արծաթե մեդալ էին նվաճել Դավիթ Զոհրաբյանը (12-րդ դասարան), Կարեն Բաղդասարյանը (11-րդ դասարան): Բրոնզե մեդալի էին արժանացել Եվա Հունանյանը (11-րդ դասարան), Դավիթ Կիրակոսյանը (11-րդ դասարան), Քրիստինե Գրիգորյանը (12-րդ դասարան): Օլիմպիադայի ընթացքում անցկացվել էր նաև 6-հոգանոց բազմազգ թիմերի մրցույթ, որի ժամանակ մեր աշակերտները հանդես էին եկել տարբեր թիմերի կազմում: Թիմը, որում հանդես էր եկել Քրիստինե Գրիգորյանը, գրավել էր առաջին հորիզոնականը՝ արժանանալով ոսկե մեդալի, իսկ Դավիթ Զոհրաբյանի թիմը գրավել էր երկրորդ տեղը՝ նվաճելով արծաթե մեդալ: