06.05.2021թ-Ֆիզմաթ դպրոցում տեղի ունեցավ Հրաձգարանի բացումը․․․

06.05.2021թ․ Ֆիզմաթ դպրոցի Հրաձգարանի բացման արարողությունը կատարեցին Ֆիզմաթ դպրոցի տնօրեն Հայկազն Նավասարդյանը և Հայաստանի Հրաձգության Ֆեդերացիայի նախագահ Արթուր Հովհաննիսյանը։  Ներկա էին աշակերտներ, ուսուցիչներ և շատ հյուրեր`

  1. Հայաստանի Հրաձգության Ֆեդերացիայի նախագահ Արթուր Հովհաննիսյան,
  2. Հայաստանի Հրաձգության Ֆեդերացիայի գլխավոր քարտուղար Արեգ Սարիբեկյան,
  3. Հրաձգության հանրապետական մարզադպրոցի տնօրեն Արմեն Հայրապետյան,
  4. ՀՀ ՊՆ զորակոչային և զորահավաքային համալրման ծառայության զորակոչի վարչության պետ, գնդապետ Արեն Սարգսյան,
  5. Գնդապետ Արմեն Հայրապետյան։

Դպրոցի պուրակում ֆիզմաթցիները  տնկեցին եղևնի  և տեղադրվեց հուշաքար՝ նվիրված Հայրենիքի համար զոհված ֆիզմաթցիների հիշատակին։

10.03.2021 — <Հայաստան ասելիս...> ցուցահանդեսի բացումը Ֆիզմաթ դպրոցում …

10.03.2021թ. Ֆիզմաթ դպրուցում տեղի ունեցավ <Հայաստան ասելիս…> վերնագրով ցուցահանդեսի բացումը: Ցուցահանդեսը նվիրված էր <Ճանաչել Հայաստանը> թեմային, որտեղ հեղինակը՝ Ֆիզմաթ դպրոցի ֆիզիկայի ուսուչուհի Աստղիկ Ղազարյանը, փորձել էր իր լուսանկարների միջոցով  ներկայացնել Հայաստանի հրաշալի բնությունը և գեղատեսիլ վայրերը:

 

17.02.2020 — Հովհաննես Շիրազին նվիրված միջոցառում՝ 9բ դասարանի մասնակցությամբ…

17.02.2020թ-ին Ֆիզմաթ դպրոցի հանդիսությունների դահլիճում տեղի ունեցավ Հովհաննես Շիրազին նվիրված միջոցառում՝ 9բ դասարանի մասնակցությամբ (դաստիարակ՝ Լազարյան Անահիտ): Աշակերտները հանդես եկան գեղեցիկ ու տպավորիչ երաժշտական ելույթներով  և ներկայացրեցին Հ.Շիրազի կյանքն ու ստեղծագործական միտքը:

29.01.2020 — Հայոց բանակի ստեղծման 28-ամյակին նվիրված միջոցառում 10դ դասարանի մասնակցությամբ…

29.01.2020թ-ին Ֆիզմաթ դպրոցը ևս նշում է Հայոց բանակի ստեղծման 28-ամյակը: Դպրոցի հանդիսությունների դահլիճում տեղի ունեցավ <Ես քո զինվորն եմ Հայրենիք> վերնագրով միջոցառում 10դ դասարանի (դաստիարակ՝ Ջանոյան Հասմիկ) մասնակցությամբ…

Միջոցառման հյուրն էր Երևանի խորհրդային տարածքի ԿԳ աշխատողների արհմիութենական կոմիտեի նախագահ, ազատամարտիկ, մահապարտների ջոկատի անդամ, Ֆիզմաթ դպրոցի լավ բարեկամ Սպարտակ Մաթևոսյանը: Նրա կողմից պատվոգրեր շնորհվեցին Ֆիզմաթ դպրոցի մաթեմատիկայի ուսուցիչ Նիկիտա Պողոսյանին և գլխավոր հաշվապահ Նազելի Ասլանյանին, իսկ Հուշամեդալի արժանացավ մաթեմատիկայի ուսուցիչ, ինֆորմատիկայի ամբիոնի վարիչ Կամո Գասպարյանը:

12.12.2019 — 10ա դասարանի մասնակցությամբ միջոցառում՝ նվիրված Կոմիտասի 150 ամյակին…

12.12.2019թ-ին Ֆիզմաթ դպրոցի հանդիսությունների դահլիճում 10ա դասարանի (դաստիարակ՝ Գայանե Մանուկյան) մասնակցությամբ տեղի ունեցավ միջոցառում՝ նվիրված Կոմիտասի 150 ամյակին:

Միջոցառմանը իր մասնակցությունն ունեցավ նաև <Նաիրյան> վոկալ անսամբլը:

27.11.2012 — Գևորգ Էմինի 100 ամյակին նվիրված միջոցառում՝ 9գ դասարանի մասնակցությամբ…

27.11.2012թ-ին Ֆիզմաթ դպրոցի հանդիսությունների դահլիճում տեղի ունեցավ Գևորգ Էմինի 100 ամյակին նվիրված միջոցառում 9գ դասարանի մասնակցությամբ (դաստիարակ՝ Հռիփսիմե Կիրակոսյան):

28.11.2019 — 11գ դասարանը այցելեց Կոմիտասի անվ. քաղաքային պանթեոն…

28.11.2019թ-ին Համո Սահյանի 105 ամյակի կապակց

ությամբ 11գ դասարանը (դասղեկ՝ Մարգարիտա Պեպանյան) այցելեց Կոմիտասի անվան քաղաքային պանթեոն հարգանքի տուրք մատուցելու մեծանուն պոետին: Աշակերտները արտասանեցին Սահյանական պոեզիայի գոհարներից, ծաղիկներ դրեցին մեր մեծերի շիրիմներին:

22.11.2019 — Ֆիզմաթ դպրոցում տեղի ունեցավ հերթական <Ի՞նչ, ո՞րտեղ, ե՞րբ> ինտելեկտուալ խաղ-մրցույթը…

Ֆիզմաթ դպրոցում տեղի ունեցավ հերթական <Ի՞նչ, ո՞րտեղ, ե՞րբ> ինտելեկտուալ խաղ-մրցույթը 20.11.2019թ-ին  8-9-րդ դասարանների միջև, իսկ 22.11.2019թ-ին  10-11-րդ դասարանների միջև:
Հաղթողներ ճանաչվեցին 8ա դասարանը և 11բ դասարանը:

 

20.09.2019 — ՀՀ Անկախության Տոնին նվիրված միջոցառման հյուրն էր Արամ Մանուկյանը…

20.09.2019թ. Ֆիզմաթ դպրոցի հանդիսությունների դահլիճում տեղի ունեցավ  ՀՀ Անկախության Տոնին նվիրված միջոցառում: Միջոցառման հյուրն էր Հայ քաղաքական գործիչ  Արամ Մանուկյանը, ով 1990 թ․ ՀՀ ԳԽ-ում անձամբ կարդացել և հնչեցրել է ՀՀ անկախության հռչակագիրը՝ խորհրդանշելով Հայաստանի առաջին հանրապետության պետական գործիչ Արամ Մանուկյանի և անկախության վերածնունդը։

01.09.2019 — <Գիտելիքի օրը> Ֆիզմաթ դպրոցում…

Գիտելիքի և դպրության օրվա կապակցությամբ Ֆիզմաթ դպրոցը դիմավորեց նոր ընդունված աշակերտներին  և հանդիսությունների դահլիճում տեղի ունեցավ տոնական միջոցառում: Դպրոց էր այցելել Երևան քաղաքի Քանաքեռ-Զեյթուն վարչական շրջանի ղեկավար Կարեն Հակոբյանը, ՀՀ կրթության, գիտության, մշակույթի և սպորտի նախարար Արայիկ Հարությունյանը շնորհավոական ուղերձ էր հղել Գիտելիքի և դպրության օրվա կապակցությամբ, իսկ Ֆիզմաթ դպրոցի տնօրեն, վաստակավոր մանկավարժ, Ֆիզմաթ դպրոցի շրջանավարտ Հայկազն Նավասարդյանը շնորհավորեց Գիտելիքի  օրվա կապակցությամբ բոլոր աշակերտներին, ծնողներին, ուսուցիչներին և հյուրերին՝ մաղթելով արդյունավետ աշխատանք և հաջողություններ նոր ուսումնական տարում: