2025թ-ին լրացավ Ա.Շահինյանի անվան Ֆիզմաթ մասնագիտացված դպրոցի հիմնադրման 60-րդ ամյակը: Դպրոցը կրկին մեծ շուքով նշեց տարելիցը և Հոբելյանական միջոցառմանը ներկա գտնվեցին ԿԳՄՍ նախարարի տեղակալ Արաքսիա Սվաջյանը, նաև Ֆիզմաթ դպրոցի տարբեր տարիների շրջանավարտները, մանկավարժական կազմը, աշակերտները և հրավիրյալ հյուրերը:

Ֆիզմաթ դպրոցը շարունակելու է իր կարևոր առաքելությունը՝ կրթելով և դաստիարակելով նորանոր աշակերտների, որոնք անկասկած կդառնան մեր երկրի գիտական ու տեխնոլոգիական զարգացման ապագա հիմնասյուները։

Այսօր Ֆիզմաթ դպրոցում ավարտական դասարանների աշակերտների համար երկար և խորհրդավոր կերպով հնչեցին վերջին զանգի ղողանջները։ Վերջին զանգը սպասված և հիշարժան իրադարձություն է, որն ուղեկցվում է աշակերտների, ուսուցիչների և ծնողների հուզմունքով, լեցուն է սիրո, ջերմության և երախտագիտության խոսքերով, բարեմաղթանքներով ու անմոռանալի պահերով։ Մենք այսօր կյանք ճանապարհեցինք հասուն և կազմակերպված մի նոր սերունդ, որն իր աշխատանքով ու ներդրումով դառնալու է մեր երկրի հզորացման ու ամրապնդման գործի հուսալի և ակտիվ մասնակիցը:
Ջերմորեն շնորհավորում ենք բոլորիս Վերջին զանգի կապակցությամբ:

Ֆիզմաթ դպրոցի տնօրինություն

Ֆիզմաթ դպրոցը՝ աշխարհի ամենահեղինակավոր մրցույթի Թոփ 10-նյակում

60-ամյա գործունեություն, հազարավոր շրջանավարտներ, բնագիտական մտքի կարկառուն ներկայացուցիչներ, միջազգային համբավ ունեցող մտավորականներ…

«The World’s Best School Prize» մրցույթում՝ աշխարհի 10 լավագույն դպրոցների շարքերում…

Սա կրթական հեղափոխություն է՝ նորարարական մեթոդներով ու անհավատալի արդյունքներով։

Դպրոցի սաների հաջողությունները միջազգային օլիմպիադաներում անժխտելի վկայությունն են այն փաստի, որ դպրոցն եղել և մնում է ֆիզիկամաթեմատիկական առարկաների գծով առաջատարը հանրապետության դպրոցների շրջանում:

Կրթական այս մոդելը արդեն իսկ վերածվել է հաղթանակների շրջապտույտի...